Dünya

İranlı general xəbərdarlıq etdi: "İsrailin zərbəsi "acı nəticələrə" səbəb olacaq"

28 Oktyabr 2024 13:00

Baxış: 758

#DÜNYADA #IRAN #İSRAİL #MÜHARİBƏ

İsrailin İran ərazisinə zərbə endirməsi İsrail üçün "acı nəticələrə" səbəb olacaq.

Milli.Az xəbər verir ki, bu sözləri İslam İnqilabı Keşikçiləri Korpusunun (SEPAH) komandanı general-mayor Hüseyn Səlami deyib.

İsrailin İrana Cavabı - Üçüncü Dünya müharibəsi başlayır?

"Ölkənin hava hücumundan müdafiə qüvvələrinin hazırlığı sayəsində məqsədlərinə çata bilməyən İsrail rejiminin qanunsuz hərəkətləri bu rejimin döyüş meydanındakı səhv hesabını və çarəsizliyini göstərir və bu həqiqətən işğalçılar üçün ağlasığmaz acı nəticələr verəcəkdir" .

Xatırladaq ki, oktyabrın 26-na keçən gecə İsrail Müdafiə Qüvvələri (IDF) oktyabrın 1-də yəhudi dövlətinə qarşı hücumlara cavab tədbirləri çərçivəsində İrandakı hərbi obyektlərə zərbələr endirəcəyini açıqlayıb. İsrailin İrana hücumu yalnız hərbi hədəflərlə məhdudlaşıb və nüvə və neft obyektlərinə şamil edilməyib. Hücum nəticəsində 4 İran əsgəri həlak olub.

Nərmin Mahmudova
Milli.Az