Dünya

Bukingem sarayı 3 il müddətinə bağlanır

24 Noyabr 2024 19:27
Baxış: 993
VTB-də minimal faiz dərəcəsi ilə nağd kredit 9.9%-dən
#BRİTANİYA

Bukingem Sarayı qarşıdakı üç il ərzində dövlət səfərlərinə bağlı olacaq.

Milli.Az xəbər verir ki, tarixi sarayda 369 milyon funt sterlinq dəyərində təmir işləri aparılır.

Təmir işləri başlamazdan əvvəl, gələn ay Qətər Əmiri sarayda qəbul ediləcək. Bundan sonra, 2027-ci ilədək bütün dövlət səfərləri Vindzor Qəsrində təşkil olunacaq.

2017-ci ildə başlayan yenilənmə işləri 1950-ci illərdən bəri dəyişdirilməyən köhnəlmiş elektrik naqillərinin və santexnika sistemlərinin yenilənməsini əhatə edir. Bu işlər, potensial "fəlakətli yanğın və ya su basqını" riskinin qarşısını almaq üçün həyata keçirilir.

Təmir səbəbindən Kral III Çarlz öz şəxsi ofisini sarayın qərb qanadındakı Belçika Suitinə köçürüb. Bu yeni məkanda Kralın 1948-ci ilin 14 noyabrında doğulduğu Orleans Otağı da yerləşir.

Əvvəllər istifadə etdiyi şimal qanadında yerləşən məkan, mərhum Kraliça II Elizabetin şəxsi mənzili olub. Bu məkanda hazırda yenidən bəzək işləri aparılır və bəzək xərcləri Kralın şəxsi vəsaiti ilə ödənilir.

Bu təmir işləri tarixi sarayın təhlükəsizliyini təmin etmək və onu gələcək nəsillər üçün qorumaq məqsədini daşıyır.

Lalə Qüdrətova
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.