Dünya

Makron çətin durumda - İmpiçmenti ilə bağlı qətnaməyə baxılacaq

17 Sentyabr 2024 08:43

Baxış: 809

VTB-də minimal faiz dərəcəsi ilə nağd kredit 9.9%-dən

#FRANSA

Sentyabrın 18-də Fransa Milli Assambleyası, parlamentin aşağı palatası, solçu "İtaətsiz Fransa" partiyasının təklif etdiyi prezident Emmanuel Makronun impiçmenti barədə qətnaməni müzakirə edəcək.

Milli.Az qafqazinfo.az-a istinadən xəbər verir ki, bu barədə "Ria Novosti" məlumat yayıb.

Qətnamə Fransa Konstitusiyasının 68-ci maddəsinə əsaslanır və prezidentin vəzifələrini pozduğu halda onun ali postdan uzaqlaşdırılmasını nəzərdə tutur.

Sənədi "Yeni Xalq Cəbhəsi" blokundan 81 deputat, o cümlədən "Ram edilməz Fransa"nın 72 nümayəndəsi, həmçinin "Yaşıllar" və "Sol Demokratlar və Respublikaçılar" qrupunun bəzi deputatları dəstəkləyib.

Qətnamənin qəbulu barədə qərarı aşağı palatanın ən yüksək kollegial orqanı olan 22 üzvdən ibarət Büro verəcək. Qətnamə bu mərhələdən keçərsə, 73 deputatdan ibarət qanunvericilik komitəsində təsdiqlənməlidir. Sonra isə Milli Assambleyada üçdə ikilik səs çoxluğu (385 deputat) tələb olunacaq.

Analoji prosedurlar solların çoxluğa malik olmadığı Senatda da davam edəcək. Əgər Senat qətnaməni (232 səs) təsdiq edərsə, hər iki palata birgə iclasda toplanacaq. Qətnamənin keçməsi üçün ümumi iclasda 925 parlamentaridən 617-si onu dəstəkləməlidir.

Səsvermə uğurlu olarsa, prezident dərhal vəzifəsindən uzaqlaşdırılacaq.

Qeyd edək ki, bu ayın əvvəlində Parisin Bastiliya meydanında minlərlə etirazçı Makronun siyasətinə qarşı çıxıb və onun istefasını tələb edib.

Milli.Az
Xəbərlərimizi WhatsApp kanalımızdan da oxuyun