Dünya

Serbiya ilə İsrail arasında mühüm saziş imzalanacaq

12 Sentyabr 2024 00:08

Baxış: 486

Serbiya ilə İsrail arasında yaxın zamanda azad ticarət sazişi imzalanacaq.

Milli.Az lent.az-a istinadən xəbər verir ki, bu barədə Belqradda səfərdə olan İsrail Prezidenti İshaq Hersoqla Serbiya Prezidenti Aleksandr Vuçiçin görüşündə bildirilib.

Prezidentlər iki ölkə arasında azad ticarət sazişinin mümkün qədər tez imzalanacağını qeyd ediblər. Aleksandr Vuçiç İsraillə ən qısa zamanda azad ticarət sazişi imzalamağın ölkəsi üçün son dərəcə vacib məsələ olduğunu deyib. O, iki ölkə arasında elm və texnologiya, süni intellekt və kibertəhlükəsizlik sahələrində əməkdaşlığın, İsraildən sərmayələrin cəlb olunmasının vacibliyini qeyd edib.

İshaq Hersoq isə vurğulayıb ki, hər iki xalqın mənafeyi naminə azad ticarət sazişi imzalamaq və birgə uğur qazanmaq əsas prioritet təşkil edir.

Milli.Az
Xəbərlərimizi WhatsApp kanalımızdan da oxuyun