Dünya

Fransada misli görülməmiş fırıldaqçılıq

30 Avqust 2024 05:05

Baxış: 1 463

VTB-də minimal faiz dərəcəsi ilə nağd kredit 9.9%-dən

#DÜNYADA #SOSİAL ŞƏBƏKƏLƏR #FIRILDAQ #AKTYOR

Fransız fırıldaqçılar dələduzluq etmək üçün mərhum aktyor Alen Delonun süni intellekt vasitəsilə yaradılmış videosundan istifadə etməyə başlayıblar.

Milli.Az oxu.az-a istinadən bildirir ki, bu barədə "Le Figaro" qəzeti məlumat yayıb.

Qeyd olunur ki, Fransa sosial şəbəkə hesablarında insanları fişinq proqramına keçməyə sövq edən saxta video peyda olub.

"Əgər bu videoya baxırsınızsa, mən artıq ölmüşəm. Pullarımın bir hissəsini bütün fransızlara vermək qərarına gəldim. Onlayn kazinomda qalib gələ bilməsəniz, sizə 100 min avro verəcəyəm", - aktyorun süni intellekt ilə yaradılmış surəti videoda deyib.

Videoçarx "Google"un "Google Play" tətbiq mağazasını təqlid edən saxta vebsayta keçməyə təşviq edir. Orada istifadəçilərə onun qızı Anuşka Delon tərəfindən hazırlandığı iddia edilən "Delon's Casino" adlı proqramı yükləmək təklif olunur. "Le Figaro" qeyd edir ki, proqram endirildikdə pul oğurlamaq məqsədilə istifadəçinin bank kartı rekvizitlərini və şəxsi məlumatlarını qeydiyyata alır.

Xatırladaq ki, Delon avqustun 18-də 89 yaşında Orlean yaxınlığında yerləşən malikanəsində vəfat edib.

Milli.Az

Xəbərlərimizi WhatsApp kanalımızdan da oxuyun