Dünya

Alimlər Marsda yaşaya biləcək bitkini kəşf ediblər

4 İyul 2024 08:08

Baxış: 2 187

VTB-də minimal faiz dərəcəsi ilə nağd kredit 9.9%-dən

#DÜNYADA #PLANET #MARS

Çin alimləri Marsın ekstremal şəraitində yaşaya biləcək bitkini aşkar ediblər.

Milli.Az oxu.az-a istinadən bildirir ki, tədqiqatın nəticələri "The Innovation" jurnalında dərc edilib.

Söhbət çöl mamırından ("Syntrichia caninervis") gedir. Bu bitki Antarktidada və Mohave səhrasında bitir. O, ekstremal soyuğa, anomal istiyə və quraqlığa, həmçinin yüksək radiasiya səviyyəsinə dözə bildiyi üçün Marsda yaşaya bilər.

Təcrübə zamanı mamır mənfi 80 dərəcə temperaturda beş ilə qədər və mənfi 196 dərəcə temperaturda 30 günə qədər qaldıqdan sonra normal böyümə şəraitində regenerasiya edə bilib. Həmçinin bitki qamma şüalanmasının təsirinə məruz qalıb.

Florida Universitetindən (ABŞ) mamırlar üzrə mütəxəssislərin sözlərinə görə, bu cür bitkiləri qida kimi qəbul etmək olmaz, lakin onların başqa üstünlükləri var. Belə ki, onlar karbon qazını və suyu səmərəli şəkildə oksigenə və karbohidratlara - insanların yaşaması üçün lazım olan hava və qidaya çevirirlər.

Bu kəşf Mars missiyaları və gələcək kosmik kolonizasiya planları üçün böyük əhəmiyyət kəsb edir.

Milli.Az