Dünya

Ermənistanın Fransadan alacağı SİLAHLAR

18 İyun 2024 13:28

Baxış: 1 168

VTB-də minimal faiz dərəcəsi ilə nağd kredit 9.9%-dən

#ERMƏNİSTAN #FRANCE #FRANSA #SİLAH

Ermənistan Fransa ilə "Caesar" özüyeriyən haubitsaların satın alınmasına dair müqavilə imzalayıb.

Milli.Az Trend-ə istinadən bildirir ki, bu barədə Fransanın müdafiə naziri Sebastian Lekornu məlumat yayıb.

İrəvana göndəriləcək özüyeriyən haubitsaların sayı və müqavilənin məbləğinə dair məlumat açıqlanmayıb.

Qeyd edək ki, iyunun 17-də Ermənistanın müdafiə naziri Suren Papikyan Fransaya işgüzar səfərə gedib. Səfər çərçivəsində Ermənistan və Fransa arasında hərbi-texniki əməkdaşlığa dair yeni razılaşmalar əldə olunub.

Xatırladaq ki, Papikyan bu ilin fevralında da Fransaya səfər etmişdi. Fevralın 23-də isə İrəvanda Parislə gələcək hərbi-texniki əməkdaşlığa dair sənədlər imzalanmışdı. Eyni məkanda oxşar müqavilələr 2023-cü ilin oktyabrında da bağlanıb.

Milli.Az
Xəbərlərimizi WhatsApp kanalımızdan da oxuyun