Dünya

Rusiyada Bexterev xəstəliyinin müalicəsi üçün dünyada ilk dərman qeydiyyata alınıb

25 Aprel 2024 08:59

Baxış: 442

#RUSİYA #DƏRMAN #XƏSTƏLİK

Rusiya Səhiyyə Nazirliyi Bexterev xəstəliyinin (ankilozlaşdırıcı spondilit - red.) müalicəsi üçün dünyada ilk dərmanı qeydiyyata alıb.

Milli.Az report.az-a istinadən xəbər verir ki, bu barədə nazirliyin mətbuat xidməti məlumat yayıb.

"Rusiya Səhiyyə Nazirliyi Bexterev xəstəliyinin müalicəsi üçün dünyada və sinfində ilk hədəfə yönəlmiş dərmanı qeydə alıb. Klinik sınaqların nəticələrinə görə, preparat yüksək effektivlik və təhlükəsizlik profilini göstərib. Dərmanı qeydiyyata aldıqdan sonra istehsalçı şirkət sənaye istehsalına başlaya bilər", - məlumatda deyilir.

Hazırlanmış dərman bədənin öz hüceyrələrinə hücum edən patoloji T-limfositləri məhv etməyə imkan verir. İlkin klinik tədqiqatlar xəstəliyin gedişatının bütövlükdə orqanizmin immun sisteminin fəaliyyətini azaltmadan dayandırıldığını təsdiqləyib.

Bexterev xəstəliyi ankilozlaşdırıcı spondilit adlanır. Ankilozlaşdırıcı spondilit - ağrılı, kəskinləşən, fəqərə qırılmasına və osteoparoza səbəb olur. Əsasən onurğanı əhatə etsə də, oynaq və bağlara, bəzən hətta göz, ağciyər, bağırsaq və ürəyə də təsir göstərir. Oma və çanaq sümükləri arasında oma-qalça oynağı ankilozlaşdırıcı spondilitin başladığı yer sayılır.

Qeyd edək ki, Ümumdünya Səhiyyə Təşkilatı ankilozlaşdırıcı spondilit qarşı dərmana beynəlxalq qeyri-mülkiyyət adı seniprutuq təyin edib.

Milli.Az
Xəbərlərimizi WhatsApp kanalımızdan da oxuyun