Dünya

Almaniyada Rusiya casusları saxlanıldı

18 Aprel 2024 14:22
Baxış: 550
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Almaniyada Rusiyaya casusluq etməkdə və təxribat hazırlamaqda şübhəli bilinən iki nəfər saxlanılıb.

Milli.Az axar.az-a istinadən bildirir ki, bu barədə "Der Spiegel" jurnalı məlumat yayıb.

"Bavariyadan olan 39 yaşlı alman əsilli rusiyalı Diter S. və 37 yaşlı alman əsilli rusiyalı Aleksandr J. saxlanılıb. Diter S. 2023-cü ilin oktyabr ayından Almaniyadakı təxribatla bağlı Rusiya kəşfiyyat xidmətləri ilə məlumat mübadiləsi aparır. O, hərbi infrastrukturda, müdafiə zavodlarında və sənaye obyektlərində yandırma və partlayışlar törətməyə razılaşıb", - məlumatda deyilib.

Jurnal iddia edir ki, onların hədəfi hərbi yüklərin daşınması üçün istifadə edilən nəqliyyat marşrutları olub:

"Bundan əlavə, Diter S. ABŞ-ın Almaniyadakı hərbi obyektlərinə baxış keçirib, fotolarını çəkib və müvafiq fotomaterialları Rusiyaya ötürüb".

Almaniya prokurorluğu Dieter S.-i kəşfiyyat və təxribat məqsədilə gizli fəaliyyətdə, Aleksandr J.-ni isə xüsusi xidmət orqanları ilə gizli əməkdaşlıqda ittiham edib.

Hər ikisi nəzarətə götürülüb.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.