Dünya

Daha bir ölkə “Mir”dən imtina etdi

3 Aprel 2024 18:20
Baxış: 540
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Qırğızıstan bankları "Mir" ödəniş sisteminin bir hissəsi olan Rusiya kartları ilə əməliyyatların aparılmasını dayandırıb.

Milli.Az report-a istinadən xəbər verir ki, bu barədə "Elkart" milli ödəniş sisteminin operatoru olan Qırğızıstanın "Banklararası Prosessinq Mərkəzi" QSC-nin saytında məlumat yayılıb.

Məlumata görə, aprelin 3-dən etibarən "Mir" kartlarının istifadəçiləri üçün kartdan karta köçürmələr və s. əlçatmaz olub.

Qeyd edilib ki, bu ilin fevral ayında ABŞ Maliyyə Nazirliyinin xarici aktivlərə nəzarət üzrə məsul bölməsi "Mir" ödəniş sisteminin kart operatoru olan "Milli Ödəniş Kartları Sistemi" ASC-yə qarşı sanksiyalar tətbiq edib. İkinci dərəcəli sanksiyalar riskini minimuma endirmək üçün Qırğızıstan tərəfi daha sonra respublika ərazisində "Mir" kartları ilə əməliyyatların aparılmasından imtina etməyə məcbur olub.

Qırğızıstan Milli Bankı belə məsələlərlə bağlı kommersiya banklarının işinə müdaxilə etmək səlahiyyətinin olmadığını bildirib və əmin edib ki, banklar hansı ödəniş sistemi ilə işləyəcəklərinə müstəqil qərar vermək hüququna malikdirlər.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.