Dünya

Aşqabad Avrasiya nəqliyyat marşrutlarının yaradılması üzərində işlədiyini açıqlayıb

2 Mart 2024 08:12

Baxış: 1 028

VTB-də minimal faiz dərəcəsi ilə nağd kredit 9.9%-dən

#TÜRKMƏNİSTAN

Türkmənistan Avrasiya multimodal nəqliyyat və tranzit marşrutlarının yaradılması üzərində işləyir.

Milli.Az report-a istinadən xəbər verir ki, bu barədə Türkmənistan Xalq Məsləhətinin (Xalq Şurasının) sədri Qurbanqulu Berdiməhəmmədov 3-cü Antalya Diplomatik Forumunda çıxışı zamanı deyib.

"Türkmənistan Xəzər və Qara dənizlərdən keçən, Avropa, Yaxın Şərq və Asiya-Sakit okean regionunu vahid nəqliyyat sisteminə birləşdirən və razılaşdırılmış norma və meyarlara uyğun fəaliyyət göstərən Avrasiya multimodal nəqliyyat və tranzit layihələrinin həyata keçirilməsi üzərində işləyir", - sabiq prezident bildirib.

O qeyd edib ki, bu cür səylər üçün əsaslı siyasi və diplomatik yardım, dəstək və Birləşmiş Millətlər Təşkilatı səviyyəsində qərarların qəbulu tələb olunur:

"Biz Ümumdünya Ticarət Təşkilatı, Dünya Bankı, Beynəlxalq Valyuta Fondu, İslam İnkişaf Bankı, Asiya İnkişaf Bankı, Avropa Yenidənqurma və İnkişaf Bankı, regional strukturlar kimi beynəlxalq maliyyə və iqtisadi qurumlarını beynəlxalq nəqliyyat layihələrində iştirak etmək və strateji qərarların qəbulunda iştirak etmək üçün dəstək verməyə dəvət edirik".

O əlavə edib ki, Türkmənistan bu sahələrdə danışıqlara açıqdır və milli və beynəlxalq layihələrin həyata keçirilməsində iştirak üçün hər cür şərait yaratmağa hazırdır.

Milli.Az
Xəbərlərimizi WhatsApp kanalımızdan da oxuyun