Dünya

Somalidə terrorçular BMT helikopterinin ekipajını əsir götürüb

11 Yanvar 2024 08:27

Baxış: 983

VTB-də minimal faiz dərəcəsi ilə nağd kredit 9.9%-dən

#DÜNYADA #SOMALİA

Somalidə "Əş-Şəbab" radikal qruplaşmasının yaraqlıları təcili eniş edən BMT helikopterinin ekipajını əsir götürüb.

Milli.Az report.az-a istinadən xəbər verir ki, bu barədə "The Washington Post" qəzeti Moqadişudakı mənbələrə istinadən məlumat yayıb.

Qeyd olunub ki, helikopter mərkəzi Qalqudud bölgəsindəki Visil şəhərinə gedərkən təcili eniş etmək məcburiyyətində qalıb. Bu zaman terrorçular helikopteri yandırıb və naməlum sayda ekipaj üzvünü əsir götürüb. BMT məlumatı hələlik şərh etməyib.

"Garowe" portalı yerli hakimiyyət orqanlarına istinadən məlumat yayıb ki, BMT-nin helikopterinə hücum edən terrorçular 1 nəfəri öldürüb, 6 nəfəri girov götürüblər.

Birləşmiş Millətlər Təşkilatı Somalidəki 17 500 nəfərlik Afrika İttifaqı sülhməramlı qüvvələrinə maddi-texniki və tibbi yardım göstərir. Bununla belə, sülhməramlılar sözçünün sözlərinə görə, ekipaj üzvləri arasında sülhməramlı qüvvələrin heç bir üzvü olmayıb. Yaraqlıların əsir götürdüyü insanlar arasında amerikalıların olmadığı da məlumdur.

Milli.Az
Xəbərlərimizi WhatsApp kanalımızdan da oxuyun