Üzdəki sızanaqları sıxmaq niyə təhlükəlidir?

30 İyul 2026 16:00

Baxış: 913

VTB-də minimal faiz dərəcəsi ilə nağd kredit 9.9%-dən

Üzdə yaranan sızanaqları sıxmaq bir çox insanın etdiyi vərdiş olsa da, bu hərəkət dəri üçün əlavə problemlərə səbəb ola bilər.

Milli.Az xəbər verir ki, mütəxəssislərin sözlərinə görə, sızanağın sıxılması zamanı bakteriyalar dərinin daha dərin qatlarına yayıla, iltihab güclənə və infeksiya riski arta bilər. Bundan əlavə, düzgün müdaxilə edilmədikdə dəridə ləkələr və qalıcı izlər qala bilər.

Xüsusilə üzün burun və üst dodaq ətrafındakı hissəsində yaranan sızanaqları sıxmaq daha riskli hesab olunur. Bu nahiyədəki infeksiyalar bəzi hallarda daha ciddi fəsadlara yol aça bilər.

Dermatoloqlar bildirirlər ki, sızanaqların müalicəsində dərini düzgün təmizləmək, uyğun qulluq vasitələrindən istifadə etmək və problem davamlı olduqda həkimə müraciət etmək daha doğru yanaşmadır.

Sızanaqlar tez-tez yaranırsa, ağrılı və iltihablıdırsa, özbaşına sıxmaq əvəzinə dermatoloq məsləhəti almaq tövsiyə olunur.

Müəllif: Aysel Əkbər (Milli.Az müxbir)