Maraqlı

Qarğıdalını daha yumşaq və şirəli bişirməyin sadə üsulu

30 İyul 2026 03:03

Baxış: 193

VTB-də minimal faiz dərəcəsi ilə nağd kredit 9.9%-dən

#MARAQLI

Qaynadılmış qarğıdalının yumşaq, şirəli və daha ləzzətli alınması üçün bişirmə suyuna süd və kərə yağı əlavə etmək tövsiyə olunur.

Milli.Az xəbər verir ki, süd qarğıdalının təbii şirin dadını ön plana çıxarır, kərə yağı isə dənələrin üzərini örtərək onların şirəliliyini qoruyur. Nəticədə qarğıdalı daha yumşaq, kremli teksturaya və zəngin dada malik olur.

Bu üsul üçün 5 ədəd cavan qarğıdalı, 1 litr su, 200 millilitr tam yağlı süd, 115 qram kərə yağı və 1 çay qaşığı duz kifayət edir.

Hazırlanma qaydasına əsasən, əvvəlcə su qaynadılır, sonra ocağın temperaturu azaldılaraq süd və kərə yağı əlavə edilir. Kərə yağı tam əridikdən sonra təmizlənmiş qarğıdalılar qazana yerləşdirilir, duz vurulur və qapaq tam bağlanmadan təxminən 10 dəqiqə bişirilir.

Bundan başqa, qarğıdalını mikrodalğalı sobada da hazırlamaq mümkündür. Bunun üçün qarğıdalılar qabıqları soyulmadan yüksək gücdə təxminən 12 dəqiqə bişirilir. Qabıqların yaratdığı buxar mühiti qarğıdalının yumşaq və şirəli qalmasına kömək edir.

Milli.Az