Dünya

İsrail və HAMAS bununla bağlı razılığa gəlməyə yaxındır

14 Noyabr 2023 15:22

Baxış: 927

VTB-də minimal faiz dərəcəsi ilə nağd kredit 10.49%-dən

#İSRAİL #ISRAEL #ABŞ #GİROV

İsrail və HAMAS girovların azad edilməsi ilə bağlı razılığa gəlməyə yaxındır.

Milli.Az APA-ya istinadən bildirir ki, bu barədə ABŞ-ın "The Washington Post" qəzeti yüksək rütbəli İsrail rəsmisinə istinadən yazır.

Mənbə bildirib ki, İsrail və HAMAS İsrail həbsxanalarında saxlanılan fələstinli qadın və kişilərin müqabilində oktyabrın 7-də hücum zamanı Qəzzaya oğurlanmış bəzi qadın və uşaqların azad edilməsini müzakirə edir.

Mənbə bildirib ki, sövdələşmənin yekun detalları razılaşdırılarsa, razılaşma bir neçə gün ərzində elan edilə bilər. Qəzet yazır ki, İsrail bütün oğurlanmış qadın və uşaqları geri qaytarmaq istəyir, lakin azad edilənlərin ilkin sayı daha az olacaq.

Rəsmi bildirib ki, mübadilə təxminən beş gün davam edə biləcək müvəqqəti atəşkəslə müşayiət olunacaq. Bu, girovların Qəzzadan təhlükəsiz şəkildə çıxarılmasına imkan verəcək, həmçinin, regionun mülki əhalisinə beynəlxalq yardımı artıracaq və humanitar böhranı yüngülləşdirəcək.

"The Jerusalem Post" isə yazır ki, HAMAS artıq beş günlük atəşkəs və Qəzza zolağının bütün ərazilərinə humanitar yardımın çatdırılmasına icazənin daxil edilməsi tələbi ilə çıxış edib. Bunun müqabilində HAMAS 70-ə qədər qadın və uşağı azad etməyə hazır olduğunu açıqlayıb.

Milli.Az

Xəbərlərimizi WhatsApp kanalımızdan da oxuyun