Dünya

Əsrin tapıntısı - Həkimin məsləhətinə qulaq asan kişi qızıl xəzinəsi aşkarladı - FOTO

9 Sentyabr 2023 18:10

Baxış: 1 975

VTB-də minimal faiz dərəcəsi ilə nağd kredit 9.9%-dən

#MARAQLI #ARXEOLOGİYA #TAPINTI

Norveçli Erlend Borenin həkiminin daha çox hərəkət etmək məsləhətinə qulaq asması ona sağlamlığı ilə yanaşı cekpot qazandırıb. Belə ki, səfərlərini daha maraqlı etmək üçün metal detektoru alan 51 yaşlı kişi 6-cı əsrə aid qızıl xəzinəsi aşkarlayıb.

Milli.Az oxu.az-a istinadən bildirir ki, arxeoloqlar hesab edirlər ki, bu artefakt ölkədə əsrin tapıntısıdır.

Bildirilir ki, arxeoloji gəzintilərin birində Rennesoy adasında bir qaya norveçlinin diqqətini cəlb edib.

"Fikirləşdim ki, dənizdən Rennesoy səhrasına getsəm, dırmaşacağım qaya bu olardı", - deyə o, ilk təəssüratını bölüşüb.

Elə həmin yerdə axtarış aparmağa başlayıb və gözləmədiyi halda metal detektoru güclü siqnal verib.

Qazıntı zamanı əlinə keçən bükülüdə qızıl muncuqlar tapıb. Bundan sonra o, arxeoloqlara xəzinə barədə məlumat verir.

Ümumilikdə doqquz sırğa, üç üzük və on qızıl klon aşkar edilib. Zərgərlik məmulatlarının ümumi çəkisi 100 qramdan çoxdur. Xəzinənin eramızdan əvvəl 500-cü illərə - Norveç Miqrasiya Dövrünə aid olduğu müəyyən edilib.

Xəzinənin yaxşı qorunduğu vurğulanıb.

Norveç qanunlarına görə, həm Erlend Bore, həm də torpaq sahibi təzminat alacaqlar, mükafatın dəqiq məbləği hələ müəyyən edilməyib.

Milli.Az