Dünya

"Fransa hakimiyyəti miqrantları buraxmır, lakin terrorçuları müdafiə edir"

31 Mart 2023 16:48
Baxış: 635
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Prezident Emmanuel Makron hökuməti miqrantları buraxmır, lakin terrorçuları müdafiə edir.

Milli.Az Trend-ə istinadən xəbər verir ki, bu barədə İtaliyanın baş nazirinin müavini Matteo Salvini "Qırmızı briqadalar" terrorçu qruplaşmasının on keçmiş üzvü ilə bağlı Fransa Kassasiya Məhkəməsinin qərarından sonra deyib.

Çərşənbə axşamı Fransa Kassasiya Məhkəməsi Fransada sığınacaq tapmış "Qırmızı briqadalar" terrorçu qruplaşmasının on keçmiş üzvünü ekstradisiya etməkdən imtina edib, hərçənd, İtaliya məhkəmələri onları qanlı cinayətlərinə görə müxtəlif dərəcəli cəzalara, o cümlədən, ömürlük həbsə məhkum etmişdi.

XX əsrin 70-ci illərində yaradılmış olduqca solçu terrorçu qruplaşma çoxsaylı qətllərə və insan oğurluğuna görə cavabdehlik daşıyır.

"Bu, biabırçılıqdır. Onlar Ventimilya ilə sərhəddə uşaqları qəbul etməkdən imtina edir, bununla belə İtaliyada həbsdə olmalı terrorçuları vermirlər", - İtaliya baş nazirinin müavini deyib.

Salvininin qeyd etdiyi kimi, Fransa polisi çox vaxt Fransadakı qohumlarının yanına getmək üçün meşə vasitəsilə və ya qatarla İtaliya sərhədini keçməyə çalışan qanunsuz miqrantları sistematik olaraq geri qaytarır.

Lakin Fransa məhkəməsi qərarını əsaslandıraraq terrorçu qruplaşmanın keçmiş üzvləri ilə bağlı "şəxsi və ailə həyatı hüququnu, həmçinin, ədalətli məhkəmə təhqiqatı hüququnu dəstəklədiyini" bildirib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.