Dünya

Bolqarıstanda sursat anbarlarında yanğın və partlayış oldu

12 Sentyabr 2026 10:39

Baxış: 164

VTB-də minimal faiz dərəcəsi ilə nağd kredit 9.9%-dən

Bolqarıstanın Trayan şəhəri yaxınlığında, Tsareva-Liva kəndi ərazisində yerləşən "Emko" hərbi zavodunun anbarlarında yanğın və partlayışlar baş verib.

Bu barədə "Nova" telekanalı yerli administrasiyanın nümayəndələrinə istinadən məlumat yayıb.

Bildirilir ki, xoşbəxtlikdən partlayış nəticəsində yaxınlıqda heç kim olmayıb, zərərçəkən yoxdur.

Məlumata görə, hadisə ötən gecə baş verib, anbarların mühafizəçiləri operativ şəkildə təxliyə olunub. Ərazi mühasirəyə alınıb və fövqəladə hallar zamanı milli xəbərdarlıq sistemi işə salınıb. Yerli əhali üçün təhlükə yoxdur.

Qeyd edək ki, bu, son bir ay ərzində müəssisənin anbarlarında baş verən ikinci yanğındır. Avqustun 10-da Belitsa kəndi ərazisində yerləşən sursat anbarında da analoji hadisə baş verib. Həmin hadisə zamanı da zərərçəkən olmayıb.

Müəllif: Malik Məlikov (Milli.Az redaktor)