"Meta" korporasiyası ABŞ-ın keçmiş prezidenti Donald Trampın "Facebook" və "Instagram" hesablarını iki illik bloklanmadan sonra yaxın həftələrdə bərpa edəcək.
Milli.Az Trend-ə istinadən bildirir ki, bu barədə şirkətin qlobal məsələlər üzrə prezidenti Nik Kleqqə istinadən "Axios" portalı məlumat yayıb.
Onun sözlərinə görə, D.Trampın hesabları dərhal bərpa edilməyəcək, çünki tələb olunarsa gələcəkdə müəyyən mesajları və ya reklam imkanlarını məhdudlaşdırmaq üçün lazım olan bəzi yeni funksiyaları hazırlamaq məqsədilə texniki mütəxəssislər üçün vaxt lazım olacaq.
Milli.Az