Dünya

“Yerin nüvəsi əks istiqamətdə hərəkət edə bilər” - FOTO

25 Yanvar 2023 19:00

Baxış: 1 322

VTB-də minimal faiz dərəcəsi ilə nağd kredit 9.9%-dən

#DÜNYADA

"Yerin daxili nüvəsi fırlanmağı dayandırıb və indi əks istiqamətdə fırlana bilər".

Çindəki Pekin Universitetinin alimləri İ Yan və Syadun Sun bu qənaətə gəliblər.

Milli.Az oxu.az-a istinadən xəbər verir ki, onların fikrincə, Yerin daxili nüvəsi son on ildə demək olar ki, fırlanmağı dayandırıb.

"Nature Geoscience" jurnalında bununla bağlı dərc olunan məqalədə Yerin sirli daxili strukturu nəzərdən keçirilib və nüvəni yarıb keçmiş zəlzələlərdən yaranan seysmik dalğalar araşdırılıb.

Daxili nüvənin seysmik dalğaları ilə bağlı verilən məlumatlar 1960-cı illərdə başlayan Alyaska qeydlərinə əsaslanır.

Alimlərin ehtimallarına görə, bu dəyişikliklər "yırğalanma" dövrünün bir hissəsidir və daha yeddi onillik davam edə bilər.

Pekin Universitetinin seysmoloqu və tədqiqatın müəllifi Syadun Sun daxili nüvəni "planetin içindəki bir planet" kimi xarakterizə edib və qeyd edib ki, buna görə də onun necə hərəkət etməsi çox vacibdir. Ancaq onun hərəkət mexanizmi hələ də sirr olaraq qalır.

Hələlik Yerin daxili nüvəsinin əsasən bərk dəmirdən əmələ gəldiyi məlumdur. "National Geographic"in məlumatına görə, 1220 km radiusa və təxminən 5200 dərəcə temperatura malikdir.

Milli.Az