Ölkə

Azərbaycanda istirahət mərkəzlərində ölüm və xəsarətlə nəticələnən hadisələr

14 Sentyabr 2026 11:24

Baxış: 366

VTB-də minimal faiz dərəcəsi ilə nağd kredit 9.9%-dən

#İSTİRAHƏT

Azərbaycanda müxtəlif illərdə istirahət mərkəzlərində baş verən bədbəxt hadisələr insan ölümü və xəsarətlərlə nəticələnib.

Milli.Az-ın araşdırmasına görə,istirahət mərkəzlərində qeydə alınan hadisələr arasında hovuzda boğulma, elektrik cərəyanı vurması və əyləncə qurğularının qəzaya uğraması kimi hallar var.

2017-ci ildə İsmayıllının İstisu kəndində yerləşən "Green House" istirahət mərkəzində 4 nəfəri elektrik cərəyanı vurub. Hadisə nəticəsində 2 nəfər ölüb, 2 nəfər isə xəsarət alıb. İstintaq zamanı elektrik avadanlıqlarının istismar qaydalarının pozulduğu müəyyənləşdirilib və istirahət mərkəzinin otel müdiri saxlanılıb.

2018-ci ildə Qubada "Quba Palace Hotel"ə məxsus kanatın qırılması nəticəsində 1 nəfər ölüb, 4 nəfər xəsarət alıb. Hadisə zamanı kanatda olan şəxslər yerə düşüblər.

2022-ci ildə Bakının Şıx qəsəbəsində yerləşən "Dostluq" istirahət mərkəzinin hovuzunda 32 yaşlı kişi boğularaq ölüb. İlkin araşdırma zamanı onun səhhəti ilə bağlı problemin olduğu bildirilib.

İstirahət mərkəzlərində hovuzlarla bağlı bədbəxt hadisələr digər illərdə də baş verib. Məsələn, müxtəlif vaxtlarda Qəbələ və Nabran kimi turizm bölgələrində istirahət edən şəxslərin hovuzlarda boğulması barədə məlumatlar yayılıb.

2026-cı ilin sentyabrında isə Şəkidə yerləşən "Şəki Yaylası" istirahət mərkəzində kanat qəzası baş verib. Hadisə nəticəsində 2 nəfərin ölüb.

Bu hadisələr istirahət mərkəzlərində hovuz, kanat və digər əyləncə qurğularının təhlükəsizliyinə, həmçinin texniki avadanlıqların mütəmadi yoxlanılmasına diqqətin vacibliyini göstərir.