Dünya

Vardanyan gərginlik yaradır, yalan deyir - Hraparak

22 Dekabr 2022 12:03
Baxış: 1 519
VTB-də minimal faiz dərəcəsi ilə nağd kredit 10.49%-dən

Xankəndidəki separatçı rejimin "dövlət naziri" Ruben Vardanyan efirə çıxmaq, şəxsən insanlara xoş xəbər demək və digər populist hərəkətlərlə Paşinyanı təqlid edir. Bəziləri Vardanyanın bu davranışından qıcıqlanmağa başlayıb, onlar hesab edirlər ki, məhz bu səbəbdən "dövlət naziri" tez-tez tələsik, yanlış bəyanatlar verir, bəzən vəziyyəti gərginləşdirir.

Milli.Az Axar.az-a istinadən xəbər verir ki, bu barədə "Hraparak" qəzeti məlumat yayıb.

"Məsələn, Vardanyan bir neçə gün əvvəl axşama qədər yolun açılacağını demişdi. O, dekabrın 17-də Xankəndidə mitinq keçirməyə çağırış etdi, ardınca da təxirə saldı. Sonra efirə çıxıb elan etdi: "Bir problemimiz var: necə əmin olaq ki, bu mitinq 90-cı illərin əvvəllərindəki kimi olacaq? "Prezident"lə, "siyasi qüvvələr"lə və digər hörmətli şəxslərlə uzun müzakirələrdən sonra başa düşdüm ki, sabah Ağdərəyə gedib görüş keçirək, insanlarla danışaq, ondan sonra necə və nə vaxt mitinq keçirəcəyimiz bəlli olacaq".

Xankəndidəki mənbələrimiz deyirlər ki, Vardanyan mitinqlə bağlı təkbaşına qərar verib. Sonra ona yanacaq problemi olduğunu, insanların ehtiyat benzinindən mitinq üçün istifadə etməyəcəyini və mitinq keçirməyin mənasız olduğunu deyiblər. Ola bilər ki, ruslar da mitinqin əleyhinədirlər, ona görə də Vardanyan rayonları gəzmək taktikasını izah etməyə başlayıb", - məlumatda deyilir.

Milli.Az

 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.