Dünya

BMT nümayəndəsi: Ukrayna taxılını daşımağa maraq böyükdür

10 Avqust 2022 23:46

0 Şərh Baxış: 1 120

VTB-də minimal faiz dərəcəsi ilə nağd kredit 9.9%-dən

#UKRAYNA #BMT

BMT gəmi sahiblərinin Ukrayna taxılını daşımağa böyük maraq göstərdiyini müşahidə edir.

Milli.Az APA-ya istinadən xəbər verir ki, bunu BMT-nin İstanbuldakı Birgə Koordinasiya Mərkəzindəki təmsilçisi Frederik Cey Kenni bildirib.

"Hesab edirəm ki, gəmi sahiblərinin daşımaları təmin etmək baxımından hazırlığı onların bu işə böyükl marağı olduğunu göstərir" - deyə diplomat qeyd edib.

Nümayəndə qeyd edib ki, hazırda İstanbuldakı mərkəz gəmilərin yoxlanma prosedurunun vaxtını azaltmaq üzərində işləyir: "Biz yoxlamaların dəqiqliyinə və tamlığına xələl gətirmədən onun vaxtını azaltmaq yolları barədə düşünürük".

Kenni qeyd edib ki, təhlükəszilik səbəbindən yoxlamalar yalnız gündüz aparılır ki, bu da gəmilərin limanda qalma müddətini artırır. Ukrayna taxılını daşıyan gəmilərdə indiyədək qanunsuz yük aşkar edilməyib.

Milli.Az