Dünya

Pilotun müəmmalı ölümü polisi çaşdırdı

3 Avqust 2022 05:22
0 Şərh     Baxış: 712

ABŞ-da pilot yüngül mühərrikli təyyarənin qəzaya uğraması nəticəsində ölüb. Təyyarə yerə düşmədən pilot tullanıb.

Milli.Az bildirir ki, bu barədə "The New York Post" yazır.

Nəşrin məlumatına görə, təyyarənin göyərtəsində ikinci pilotla birlikdə Şimali Karolinadan olan 23 yaşlı Çarlz Hyu Kruks olub. Kişinin cəsədi qəza yerindən 30 mil (48 kilometr) aralıda tapılıb. Onun paraşütü yox idi - pilotun 1000 metr hündürlükdən yıxıldığı güman edilib. İkinci pilot yüngül xəsarətlərlə xilas olub.

Gəncin ölümü yerli polisi çaşdırıb. Ueyk Fövqəladə Hallar İdarəsində Əməliyyatlar Başçısı Darşan Patel, heç vaxt belə bir şey görmədiyini söyləyib və bunu müəmmalı şəraitdə baş verən "unikal" faciə adlandırıb.

Hüquq-mühafizə orqanlarının nümayəndələrinin sözlərinə görə, Kruksun təyyarədən kənarda necə qaldığı hələ də məlum deyil. Polis cinayət işinin başlanacağını istisna etməyib.

İrfan Vəliyev
Milli.Az

13,99%-dən 40 000 AZN-dək zaminsiz, komissiyasız KREDİT

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics