Dünya

Mariupol meri şəhərdə ən azı 22 min nəfərin öldürüldüyünü açıqlayıb

25 May 2022 11:15
1 Şərh     Baxış: 1 837

Ukraynanın Mariupol şəhərində ən azı 22 min nəfər öldürülüb.

Milli.Az APA-ya istinadən bildirir ki, bu barədə CNN-ə açıqlamasında Mariupol merinin müşaviri Petro Andriuşçenko bildirib.

O, bu rəqəmin hələ də şəhərdən çıxa bilməmiş meriya rəsmilərindən əldə edildiyini qeyd edib.

Andriuşçenko real rəqəmlərin bundan daha çox olduğuna inandığını vurğulayıb.

Meriya işçisi bildirib ki, öldürülənlərin meyitlərinin morqlardan götürülməsi zamanı müraciət edən şəxslər rusiyalı hərbçilər tərəfindən videoya çəkilir və onlardan meyitini götürüləcəyi şəxsin ukraynalı hərbçilər tərəfindən öldürüldüyünü "etiraf etmələri" tələb olunur.

Qeyd edək ki, ötən gün Ukrayna rəsmiləri Mariupoldakı çoxmərtəbəli binalardan birinin qalıqlarının təmizlənməsi zamanı zirzəmisindən 200 nəfərin meyitinin tapılması ilə bağlı məlumat yayıb.

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

1 Şərh:

  • Anonim
    Mən · 25 May 11:2110

    Alah səbəbkarların cəzasını versin tezliklə(((((((((

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics