Dünya

ABŞ ərzaq böhranına cavab vermək üçün tərəfdaşlarla işləyəcək

24 May 2022 08:34
0 Şərh     Baxış: 399

Birləşmiş Ştatlar hökuməti Ukrayna ətrafındakı vəziyyətlə əlaqədar ərzaq böhranına cavab vermək üçün tərəfdaşlarla çalışacaq.

Milli.Az "Report"a istinadən bildirir ki, bunu ABŞ Prezidenti Cozef Bayden deyib.

"Qlobal ərzaq böhranı Rusiyanın Ukraynanın milyonlarla ton taxıl ixracına mane olması ilə daha da ağırlaşır. Rusiya Federasiyası müharibəni davam etdirdikcə, ABŞ öz tərəfdaşları ilə birlikdə qlobal cavab verməyə kömək edəcək, çünki bu, dünyanın bütün hissələrinə təsir edəcək", - Bayden Dördtərəfli Təhlükəsizlik Dialoqu (QUAD) liderlərinin sammiti zamanı bildirib.

Qeyd edək ki, çərşənbə axşamı Tokioda Yaponiya, ABŞ, Hindistan və Avstraliyanı birləşdirən Dördtərəfli Təhlükəsizlik Dialoqu liderlərinin ikinci üzbəüz sammiti Tokioda başlayıb. Sammitin açılışını əks etdirən kadrlar Yaponiya Milli ictimai televiziyada nümayiş etdirilib.

Yaponiyanın Baş naziri Fumio Kisida təbrik nitqində ABŞ, Hindistan və Avstraliya liderlərini salamlayıb. "Biz açıq və azad Hind-Sakit okean regionunun qurulması uğrunda çıxış edirik. Regionda, xüsusən də Cənub-Şərqi Asiya Ölkələri Assosiasiyası ölkələri ilə ümumi problemləri müzakirə etmək üçün geniş əməkdaşlığa köklənmişik", - Yaponiya hökumətinin başçısı vurğulayıb. O, bu problemlərin arasında iqlim dəyişikliyi, dünya okeanlarının vəziyyəti və humanitar problemlərin adlarını sadalayıb.

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics