Dünya

Daşınmaz əmlakın kriptovalyuta ilə satıldığı ilk Avropa ölkəsi

13 May 2022 21:48
0 Şərh     Baxış: 957
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Portuqaliya kriptovalyutaları idarə etməyə başlayanlar üçün cənnətə çevrilib.

Milli.Az AZƏRTAC-a istinadən bildirir ki, Portuqaliya Avropada bitkoinlərə daşınmaz əmlakın satıldığı ilk ölkədir. Beləliklə, ilk dəfə rəqəmsal barter baş verib - mülkiyyət hüququ üçün virtual pul.

Mayın əvvəlində Portuqaliyanın ən böyük şəhərlərindən biri Braqada virtual valyutaya 110 min avro dəyərində mənzil satılıb.

Bütün Portuqaliyada kriptovalyutaları avroya "köçürmək" ehtiyacını aradan qaldıran yeni qanun qüvvəyə minib. Beləliklə, Portuqaliya rəqəmsal iqtisadiyyat baxımından çox ümidverici əlamətlər göstərir. Bununla belə, bu kontekstdə kibertəhlükəsizlik tədbirləri əsas prioritetdir: rəqəmsal depozit nömrəsinin ötürülməsi, iştirak edən tərəflərin identifikasiyası, əməliyyat zamanı pulun bir cüzdandan digərinə keçdiyinin sübutu.

Britaniyanın daşınmaz əmlak və konsaltinq firması Savills tərəfindən hazırlanan hesabata görə, Lissabon rəqəmsal "köçərilər" üçün dünyada üstünlük verilən şəhərdir.

Beləliklə, Portuqaliya həyat keyfiyyətindən istifadə edərək və onu kriptovalyutalarla əməliyyatlara üstünlük verən qanunvericiliklə müşayiət edərək varlanmağa çalışır.

Təxminlərə görə, 2035-ci ilə qədər 1 milyarda yaxın insan məskunlaşmaq üçün yerlər axtarışında planeti gəzəcək və həyat keyfiyyəti modellərindən daha çox asılı olacaq.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.