Dünya

Pilot huşunu itirdi, təyyarəni sərnişin endirdi

12 May 2022 15:12
0 Şərh     Baxış: 1 124
VTB-də minimal faiz dərəcəsi ilə nağd kredit 9.9%-dən

ABŞ-da uçuş aparatlarının idarə edilməsi ilə bağlı heç bir təcrübəyə malik olmayan sərnişin təyyarənin qəzaya düşməsinin qarşısını alıb.

Milli.Az qafqazinfo-ya istinadən xəbər verir ki, bu barədə "CNN" məlumat yayıb.

Məlumata görə, insident Baham adalarının Beynəlxalq Hava Limanından Floridaya uçan "Cessna" tipli yüngülmühərrikli təyyarədə baş verib. Belə ki, təyyarə təyinat nöqtəsindən təxminən 112 kilometr şimalda olarkən pilot huşunu itirib. Bu zaman sərnişinlərdən biri dərhal vəziyyət barədə aviadispetçerə məlumat verib. O isə, öz növbəsində sərnişinə təyyarəni necə yerə endirə biləcəyi barədə göstərişlər verməyə başlayıb.

Nəticədə sözügedən sərnişin təyyarəni Floridada Palm-Biç Beynəlxalq Hava Limanında yerə endirməyi bacarıb. Pilot isə xəstəxanaya yerləşdirilib. Hazırda məsələ ilə bağlı araşdırma aparılır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.