PUL
Yaponiya əhalisinin sayı bu ölkədə daimi yaşayan əcnəbilər də daxil olmaqla 2020-ci ilin oktyabrından 2021-ci ilin oktyabrınadək 644 min nəfər (0,51 faiz) azalıb. Hazırda ölkə əhalisinin sayı 125,5 milyon nəfər təşkil edir.
Milli.Az AZƏRTAC-a istinadən bildirir ki, bu barədə Yaponiya İnzibati İşlər və Kommunikasiya Nazirliyi məlumat yayıb. Bildirilir ki, bu, 20-ci əsrin ortalarından sonra əhali sayında ən böyük azalmadır. Bununla yanaşı, 2011-ci ildən bəri ölkə əhalisinin sayı 2,3 milyon nəfər azalıb. Beləliklə, bu prosesin durmadan artdığı qeyd edilir.
Proqnozlara görə, Yaponiyada əhalinin sayı 2050-ci ilədək 100 milyonadək, 2065-ci ilədək isə 88 milyonadək azalacaq. Əhalinin tərkibində yaşı 60-dan yuxarı olacaq sakinlərin sayı isə 38 faizədək artacaq. Əhalinin sayının belə kəskin azalması və bununla yanaşı doğum sayının da kəskin aşağı düşməsi yaxın gələcəkdə hökumət üçün ciddi problemlər yaradacaq.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
