Dünya

Yeni Zelandiya Rusiyaya qarşı sanksiya tətbiq edəcək

7 Mart 2022 16:06

Baxış: 820

VTB-də minimal faiz dərəcəsi ilə nağd kredit 10.49%-dən

Bu gün Yeni Zelandiya hökuməti Ukraynanın işğalına görə Rusiyaya sanksiya tətbiq edilməsinə imkan verən qanun layihəsini qəbul edəcək.

Milli.Az APA-ya istinadən bildirir ki, bu barədə ölkənin Baş naziri Cakinda Ardern bildirib.

Qanun qəbul edildiyi təqdirdə bu, Yeni Zelandiyanın fərdi qaydada başqa bir ölkəyə ilk dəfə sanksiya tətbiq etməsi olacaq.

Baş nazir Cakinda Ardern bildirib ki, sanksiyalar Yeni Zelandiyadakı Rusiyaya məxsus aktivlərin dondurulmasına, şəxslərə və şirkətlərə başqa ölkələrin sanksiyalarından yayınmaq üçün ölkəyə pul köçürməsinə, super yaxtaların, gəmilərin və təyyarələrin ölkənin hava və su məkanına daxil olmasını dayandırmağa imkan verəcək.

Eyni zamanda, sanksiyalar siyahısında Yeni Zelandiyaya daxil olması qadağan edilmiş 100 şəxsin adının qeyd edildiyi bildirilib.

Milli.Az