Dünya

Lavrov sözünü dedi, müharibə artıq başlayıb - Vasadze

27 Yanvar 2022 18:42
0 Şərh     Baxış: 1 230
VTB-də minimal faiz dərəcəsi ilə nağd kredit 9.9%-dən

Putin bütün dünyaya sərtliyini, əhalisinə isə "lənətlənmiş Qərb"in Rusiyanı məhv etmək istəyini göstərdi.

Milli.Az bildirir ki, bu barədə Axar.az-a açıqlamasında tanınmış gürcü politoloq Gela Vasadze Rusiya və ABŞ/NATO arasındakı gərginliyin artmasını şərh edərkən deyib.

Onun sözlərinə görə, ümumi fonda Rusiyanın ABŞ və Qərb ölkələri ilə münasibətlərinin gərginləşməsi, eləcə də Çinin Putinlə tammiqyaslı müttəfiq olmaq istəməməsi aydın görünür. Daha lokal vəziyyəti götürsək, Rusiyanın Donbas ərazilərinin subyektliyini verbal səviyyədə qaldırdığı bəllidir, burada rus təbliğatçılarının böyük payı var.

Vasadze eyni zamanda qeyd edib ki, Rusiyanın KTMT-dəki müttəfiqlərə (Ermənistan, Qazaxıstan, Belarus, Qırğızıstan və Tacikistan) söykənən və boz zonalar (Donbas, Abxaziya, Cənubi Osetiya) şəklində gərginlik platformasını qoruyub-saxlayan "təhlükəsizlik konstruksiyası" var və vəziyyəti təhlil edərkən bunu nəzərə almaq lazımdır:

"Bu o deməkdir ki, böyük müharibə olmayacaq? Xeyr. Birincisi, müharibə artıq gedir. İkincisi, Ukraynada boz zonalar hələ tam formatlaşdırılmayıb. Yəni "dnr" və "lnr"in sülhə məcburetmə əməliyyatı vasitəsilə tanınması və Krımın su probleminin həlli variantları aktual olaraq qalır. Nəhayət, Lavrov dünən hökumət iclasında bildirib ki, əgər Rusiya ABŞ-dan adekvat cavab almasa, müvafiq tədbirlər görəcək. Sanki yağlı boya ilə çəkilmiş rəsmdir, hər detalı çox aydın görünür".

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.