Türkiyə

Məşhur müğənninin narkotik test nəticələri açıqlandı

18 Aprel 2026 13:34
Baxış: 1 539
VTB-də minimal faiz dərəcəsi ilə nağd kredit 9.9%-dən

Türkiyəli tanınmış müğənni Simge Sağın ilə bağlı aparılan narkotik araşdırmasında yeni detallar üzə çıxıb. Ötən həftə saxlanıldıqdan sonra məhkəmə nəzarəti şərti ilə sərbəst buraxılan ifaçının tibbi ekspertiza nəticələri açıqlanıb.

Milli.Az xəbər verir ki, müğənninin vəkili Eda Salman açıqlamasında bildirib ki, aparılan analizlər nəticəsində Simge Sağının narkotik və ya hər hansı stimullaşdırıcı maddə istifadə etmədiyi qəti şəkildə təsdiqlənib. Onun sözlərinə görə, bu nəticə əvvəl verilən açıqlamalarla da üst-üstə düşür və sənətçinin ittihamlarla əlaqəsinin olmadığını göstərir.

İfaçı isə ifadəsində qeyd edib ki, sevgilisi İlkay Şencanın narkotik istifadə etdiyindən xəbəri olmayıb. O bildirib ki, çantasında aşkar edilən maddədən də xəbərsiz olub və özü heç vaxt narkotik istifadə etməyib.

Xatırladaq ki, İstanbul şəhərində keçirilən istintaq çərçivəsində Simge Sağın aprelin 7-də saxlanılmış, ondan qan və saç nümunələri götürüldükdən sonra ifadəsi alınmışdı. Daha sonra məhkəmənin qərarı ilə onun barəsində ölkədən çıxış qadağası tətbiq olunaraq sərbəst buraxılmışdı. 

Asya
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.