Türkiyə

Narkotikdən istifadə etdiyini təsdiqlədi

31 Dekabr 2025 00:12
Baxış: 1 448
VTB-də minimal faiz dərəcəsi ilə nağd kredit 9.9%-dən
#TÜRKİYƏ

"Habertürk TV"nin keçmiş baş redaktoru Mehmet Akif Ersoyun narkotik istintaqı çərçivəsində verdiyi ifadənin detalları məlum olub.

Milli.Az xəbər verir ki, təxminən 3 saat davam edən ifadəsində Ersoy narkotik istifadə etdiyini etiraf edərək cəmiyyətdən üzr istəyib.

Ersoyun saç və qan nümunələrindən götürülən testlər "pozitiv" çıxmış, saç nümunələrində kokain və metabolitləri aşkar edilmişdi.

O, dekabrın 11-də "narkotik maddə istifadəsini asanlaşdırmaq" və "cinayət törətmək məqsədilə təşkilat qurmaq" ittihamları ilə həbs olunmuşdu.

Əlavə ifadəsində kirayə götürdüyü evdə təşkil olunan narkotik məclisləri barədə də məlumat verən Ersoy azadlığa buraxılmasını tələb edib.

İstanbul Respublika Baş Prokurorluğu Ersoyun ifadəsini qiymətləndirərək mühüm qərar verib. Prokurorluq bildirib ki, Ersoyun narkotik istifadə etməsi onsuz da Məhkəmə Tibbi Ekspertizasının rəyi ilə sübut olunub və evindəki məclislər barədə məlumatlar istintaqa məlumdur.

Onun verdiyi ifadənin istintaqa yeni və mühüm bir töhfə vermədiyi əsas gətirilərək, Mehmet Akif Ersoy yenidən saxlanıldığı həbsxanaya göndərilib.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.