Türkiyə

Türkiyəyə 6,6 bal gücündə zəlzələ xəbərdarlığı - FOTO

7 Yanvar 2025 13:59

Baxış: 749

#TÜRKİYƏ #ZƏLZƏLƏ

Mütəxəssislər Şərqi Qara dəniz bölgəsində son illərdə tez-tez müşahidə edilən təbii fəlakətlər, xüsusilə torpaq sürüşməsi və daşqınlar səbəbiylə zəlzələ xəbərdarlığı edib.

Milli.Az xəbər verir ki, mütəxəssislər zəlzələlərin sürüşmələrə səbəb olduğunu vurğulayaraq, Qara dəniz sahillərinin hər an 6,6 bal və daha böyük zəlzələyə hazır olması lazım olduğunu bildiriblər.

Geologiya Mühəndisi Prof. Dr. Osman Bektaş ötən gün Trabzonun Akçaabat rayonunda baş verən və şəhərin bir çox yerində hiss edilən 3,2 bal gücündə zəlzələni qiymətləndirərək, aktiv Qara dəniz qırılmasının 6,6 bal gücünə qədər zəlzələ yaratma potensialına malik olduğunu vurğulayıb. Bektaş "Trabzon-Rizə sahili iki zəlzələ zonası arasında yerləşən yaşayış sahəsidir. Cənubda Türkiyənin ən aktiv fay olan Şimali Anadolu Fay ilə Şimal-Şərqi Anadolu Fay var; sahili iki zəlzələ zonasından əhatə edir. Şimaldan Qara dənizin sahilini təhdid edən 3,2 böyüklüyündəki zəlzələ, "Sahillə paralel olduğu üçün Trabzona güclə toxunur" sözlərini deyib.

Qara dəniz sahillərinin həm şimaldan, həm də cənubdan zəlzələ zonaları ilə əhatə olunduğunu qeyd edən Bektaş "AFAD-ın məlumatlarına görə, bu qırılmanın yaxın 50 ildə yarada biləcəyi ən böyük zəlzələ 6,6-dır. Yüzdə 90 ehtimal var" xəbərdarlığını edib.

Fidan
Milli.Az