İdman

Kasparov üzərində daha bir qələbə qazanan Şəhriyar 6-cı yeri tutub

11 İyul 2021 22:36
3 Şərh     Baxış: 1 132

Bu gün "Grand Chess Tour" şahmat seriyasının üçüncü mərhələsinin - Xorvatiyanın paytaxtı Zaqrebdə keçirilən "Croatia Grand Chess Tour"un blits turnirində son 9 turun partiyaları oynanılıb.

Milli.Az Trend-ə istinadən bildirir ki, startda 10-cu turda fransalı Maksim Vaşye-Laqrav ilə heç-heçə edən Azərbaycan şahmatçısı Şəhriyar Məmmədyarov sonrakı qarşılaşmalarda rusiyalı Yan Nepomnyaşi, niderlandlı Jorden Van Forest, Rusiyanın daha bir şahmatçısı Aleksandr Qrişuk, polşalı Yan-Kşıştof Duda, eks-dünya çempionu, Rusiyanı təmsil edən Harri Kasparov üzərində qələbə qazanıb. On altıncı turda ukraynalı Anton Korobova məğlub olan şahmatçımız son turda keçmiş dünya çempionu hindistanlı Vişvanatan Anandla heç-heçə edib. Təmsilçimiz son turda niderlandlı Aniş Giriyə məğlub olub. Beləliklə 18 turda 10 xal toplayan Şəhriyar Məmmədyarov 6-cı yeri tutub.

Qeyd edək ki, bundan əvvəl turnir çərçivəsində rapid yarışı keçirilib. Yekun nəticələrə görə Şəhriyar Məmmədyarov 9 xalla 6-cı yerdə qərarlaşıb.

Xatırladaq ki, Şəhriyar Məmmədyarov seriyanın birinci yarışının - "Superbet Chess Classic Romania"nın qalibi olub.

Milli.Az

Şərh yaz:

3 Şərh:

  • Anonim
    Dindar · 12 İyul 10:0001

    Artıq 21-ci əsrdir. Şahmat heç kim üçün maraqlı deyıl. 5 saat otur ki, axırda, kim qalıb gələcək.

    Cavab yaz
  • Anonim
    Goo · 12 İyul 14:3200

    Ele 21 ci esrin oyunlari bedbext edib usaqlari,vehsilik,insan oldurmek.21 ci oyunun oynatan usaqlari goruruk indi;bicaq,narkotik,avtosluq?!

    Cavab yaz
  • Anonim
    Sahmatci · 12 İyul 14:3500

    Sahmat agil teleb edir.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.