İdman

Tanınmış şair Cəlal Qurbanov AMİNA-nın vitse-prezident seçilib

15 Fevral 2021 16:57

Baxış: 2 278

Azərbaycan Milli İdman Növləri Assosiasiyasında (AMİNA) növbədənkənar konfrans keçirilib.

Milli.Az xəbər verir ki, konfransda AMİNA-ya vitse-prezident seçilib. Yeni vitse-prezident sərbəst güləş üzrə idman ustalığına namizəd Cəlal Qurbanovdur.

Qeyd edək ki, Cəlal Qurbanov yeniyetmə sərbəst güləş yığmasına rəhbərlik etmiş Xosrov Cəfərovun şəxsi tələbələrindən olub. Cəlal Qurbanov 2013-cü ildən Azərbaycan yazıçılar birliyinin üzvü, "Fire Land" productionun rəhbəri, nəğməkar-şair, prezident təqaüdçüsüdür. "Körpələrin səsi", "İlk Avropa oyunları", "Sən azərbaycanlısan", "Zəfərə doğru", "Yaşa, yaşa, Azərbaycan!", "Sən qalib gələcəksən" və "Say Hallelujah" layihələrinin müəllifidir.

AMİNA-da keçirilmiş növbədənkənar konfransda seçkilərin nəticəsi bu gün ədliyyə nazirliyində təsdiqlənib və assosiasiya yeni tərkibdə qeydiyyatdan keçib.

Milli.Az