İdman

“Çelsi” Lemparda maaş ödəməyə davam edəcək

26 Yanvar 2021 18:59
Baxış: 553

"Çelsi" istefaya göndədiyi baş məşqçisi Frank Lemparda maaş ödəməyə davam edəcək.

Milli.Az qol.az-a istinadən xəbər verir ki, bu barədə "The Athletic" nəşri məlumat yayıb. "Zadəganlar"ın 42 yaşlı mütəxəssislə müqaviləsi bu ilin yayında başa çatmalı idi. Lakin London klubu çalışdırıcı ilə sözləşməni erkən ləğv etdiyi üçün ona maaş ödəməyə davam edəcək. Lempardın "Çelsi"dəki maaşı 1 mövsüm üçün təxminən 4,5 milyon avrodan çox təşkil edir.

Qeyd edək ki, Lempard 2019-cu ilin yayında "Çelsi"ni çalışdırırdı. Klub rəhbərliyi isə onun əvəzinə bu vəzifəyə Tomas Tuheli gətirməyi düşünür.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.