İdman

Makedoniyalı futbolçu Azərbaycan klubunun hədəfində

11 Yanvar 2021 17:33
Baxış: 313

Şimali Makedoniyanın "Vardar" klubunun futbolçusu Boyan Naydenov karyerasını Azərbaycanda davam etdirə bilər.

Milli.Az qol.az-a istinadən xəbər verir ki, bu barədə "sportmedia.mk" saytı məlumat yayıb. 29 yaşlı yarımmüdafiəçi ilə "Səbail"in maraqlandığı bildirilib.

Makedoniyalı futbolçunun başqa klubların da hədəfində olduğu, lakin onun "Səbail"ə keçmək ehtimalının daha yüksək olduğu vurğulanıb.

Qeyd edək ki, ötən ilin avqustundan "Vardar"da çıxış edən Şimali Makedoniya millisinin sabiq üzvü ölkəsində  "Horizont", "Rabotniçki", İranda "İstiqlal", Misirdə "Smuxa" və Albaniyada "Laçi"də oynayıb.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.