İdman

"Kiprdə də təxribatla qarşılaşa bilərik" - Kintana

4 Oktyabr 2019 18:34
2 Şərh     Baxış: 912

"Qarabağ"ın futbolçusu Dani Kintana Avroliqanın qrup mərhələsinin ikinci turunda  "Düdelanj"la oyundan (4:1) sonra "Marca"ya açıqlama verib.

Milli.Az qol.az-a istinadən xəbər verir ki, ispaniyalı yarımmüdafiəçi matçda baş verən qalmaqallı hadisə barəsində danışıb:

"Keçən il "Arsenal"la oyunda da belə halla rastlaşmışdıq. Azarkeşlərdən biri əlində bayraq stadiona qaçsa da, onda oyun dayandırılmamışdı. Düşünürəm ki, biz bu cür təxribatlara uymamalıyıq. Amma başa düşürəm ki, bu bəzi oyunçularımız üçün olduqca çətindir. Komanda yoldaşlarım arasında Qarabağ uğrunda döyüşlərdə ailəsini itirən, torpaqlarından didərgin düşənlər var. Düşünürəm ki, baş verənlərə nə qədər az diqqət yetirsək, bir o qədər az təxribat olar. Unutmayaq ki, "Qarabağ" münaqişənin olduğu bölgəni təmsil edir.  Hakim bizə dedi ki, bayraq yenidən görünsə, buna fikir verməyək və oyunumuzu oynayaq".

Kintana Avroliqada növbəti oyununda - APOEL-lə görüşdə də erməni təxribatının ola biləcəyini qeyd edib: "Qarşıda bizi APOEL ilə oyunu gözləyir. Səfərdə də oxşar halla qarşılaşa biləcəyimizlə bağlı bizi məlumatlandırıblar. Çünki orada da çoxlu erməni mühacirlər yaşayır. Belə halların davamlı olması utancvericidir".

Milli.Az

loading...

Şərh yaz:

2 Şərh:

  • Anonim
    Musa · 4 Oktyabr 20:1510

    Sağol Kintana

    Cavab yaz
  • Anonim
    nurlan · 6 Oktyabr 12:3000

    oyun saat neede baslayacaq bai saati ile

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.