İdman

Üç güləşçimiz medalsız qaldı - Dünya çempionatı

15 Sentyabr 2019 16:13
2 Şərh     Baxış: 1 352

Qazaxıstanın paytaxtı Nur-Sultanda güləş üzrə dünya çempionatı davam edir.

Milli.Az Qol.az-a istinadən xəbər verir ki, ikinci yarış günündə yunan-Roma güləşi üzrə 67, 87 və 97 kq-da 3 güləşçimiz mübarizəyə qoşulub.

Xalça üzərinə ilk olaraq, Rəsul Çunayev çıxıb. Yarışa təsnifat mərhələsindən başlayan pəhləvanımız ilk görüşündə Macarıstan güləşçisi Mate Kraşnaya birinci hissədə tam üstünlüklə qalib gəlib. Ancaq 1/16 finalda hakimlərin mübahisəli qərarlarıyla güləşçimiz ikiqat dünya çempionu olmuş Koreya təmsilçisi Hansu Ryuya uduzub.

87 kq-da İslam Abbasov 1/16 finalda gürcüstanlı Qurami Xetsuriani ilə üz-üzə gəlib və 4:0 hesablı qələbə qazanıb. Lakin Rəsul Çunayev kimi Abbasov da qələbənin davamını gətirə bilməyib. 1/8 finalda pəhləvanımız iranlı Ramin Taherisartanqa bir xal belə qazanmadan məğlub olub -0:6.

97 kq çəki dərəcəsində güləşən Orxan Nuriyev üçün də mundiala uğursuz alınıb. O, elə ilk görüşdə Qazaxıstan idmançısı Yerulan İskakova məğlub olub.

Güləşçilərimizin uduzduğu rəqiblər finala çıxa bilmədiklərindən, pəhləvanlarımız medal şanslarını itiriblər.

Qeyd edək ki, yunan-Roma güləşçilərimizdən Eldəniz Əzizli (55 kq) bu gün bürünc medal uğrunda Maks Emilyano Nuri (ABŞ), Rafiq Hüseynov (82 kq) isə "qızıl" uğrunda Laşa Qobadze (Gürcüstan) ilə qarşılaşacaq.

Milli.Az 

loading...

Şərh yaz:

2 Şərh:

  • Anonim
    (+-) · 15 Sentyabr 16:3600

    Heyif,qanımız qaraldı.Rafikə ər təki uğurlar.Möhkəm dur ! Dünən eməni mətbuatı özünü az qala partladırdı sevindiyindən ki,bu dəfə medallar sırasında üstün yerdə onlar olacaq. Heyif Elmanın uduzmağı bunları qızışdırdı.

    Cavab yaz
  • Anonim
    Vətənpərvər · 16 Sentyabr 10:1600

    Təəssüflər olsun güləşçilərimizə.Ən çox da R.Cunayevə. Hiss olunur ki, bu güləşçidə məğlubiyyətlər çoxalmaqdadır. Mənə elə gəlir Rasul özünü toparlamalıdır, ona yaraşmır məğlubiyyət.Ən çox da ondan həm dövlət, həm də azərkeş heç vaxt öz dəstəyini əsirgəməmişdir!

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.