İdman

"Azərbaycan futbolun populyarlaşdığı ölkədir" - Petr Çex

4 İyun 2019 16:10
0 Şərh     Baxış: 782

Mənim üçün acı məğlubiyyət oldu. Çünki bir futbolçu kimi son arzum "Arsenal"la Avropa Liqasının qalibi olmaq idi. Təəssüf ki, bu baş vermədi. Amma etiraf etməliyəm ki, rəqib bizdən yaxşı oynadı və layiqli qələbə qazandı.

Milli.Az goal.az-a istinadən xəbər verir ki, bunu Çexiya yığmasının keçmiş qapıçısı Petr Çex deyib. Onun şərəfini qoruduğu "Arsenal" Avropa Liqasının final matçında Bakıda "Çelsi"yə məğlub olub (1:4). Bununla Çex futbolçu karyerasını başa vurub.

37 yaşlı sabiq qolkiper ölkəsinin mətbuatına müsahibəsində Bakı Olimpiya Stadionunu bəyəndiyini söyləyib: "UEFA final görüşünün bu ölkədə keçirilməsini qərara alıb. Bakı, həqiqətən də, gözəl stadiona malikdi. Həmçinin Azərbaycan futbolun populyarlaşdığı ölkədi. Azarkeşlər üçün uğursuz seçim ola bilər. Hava limanının az təyyarə qəbul etməsi üzündən Londondan və Avropadan bir çox azarkeş gələ bilmədi. Halbuki final azarkeşlərin həyatlarının ən böyük anlarından biridi".

Qeyd edək ki, Petr Çexin tezliklə "Çelsi"nin idman direktoru vəzifəsində fəaliyyətə başlaması gözlənilir.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.