Futbol üzrə İtaliya Superkubokunun sahibi məlum olub.
Milli.Az report-a istinadən bildirir ki, Səudiyyə Ərəbistanının Ciddə şəhərindəki "Kinq Abdulla Sports Siti" stadionunda "Yuventus" və "Milan" arasında keçirilən görüş Turin təmsilçisinin 1:0 hesablı qələbəsi ilə başa çatıb.
Görüşdə yeganə qolu 61-ci dəqiqədə "Yuventus"un portuqaliyalı ulduz futbolçusu Kriştianu Ronaldu vurub.
Ötən il "Yuventus" ardıcıl 7, ümumilikdə isə 34-cü dəfə İtaliya çempionu olub. "Milan" isə ölkə Kubokunun finalına qədər gələrək, burada həmin Turin təmsilçisinə məğlub olub.
İtaliya Superkuboku. Final
"Yuventus" - "Milan" - 1:0
Qol: 1:0 - Ronaldu - 61
Qırmızı vərəqə: Kessye, 73 ("Milan")
Milli.Az