İdman

Almeyda Malta klubunun futbolçusuna millimizin formasını hədiyyə etdi - FOTO

10 Sentyabr 2018 11:41

0 Şərh Baxış: 1 776

#MALTA #FUTBOL #AZƏRBAYCAN

Futbol üzrə milli komandamız bu gün UEFA Millətlər Liqasında növbəti oyununu keçirəcək.

Milli.Az futbol11.az-a istinadən xəbər verir ki, D Liqasının III qrupunda yer alan millimiz səfərdə Malta yığması ilə üz-üzə gələcək.

Millimizin heyətində Malta səfərinə yollanan "Astana"nın futbolçusu Riçard Almeyda orada yaşayan dostları ilə görüşüb. Yarımmüdafiəçi Maltanın "Floriana" klubunda forma geyinən Artur Oyama ilə bir araya gəlib və ona milli komandamızın formasını hədiyyə edib.

31 yaşlı müdafiəçi hədiyyəyə görə Almeydaya təşəkkür edib və onu gördüyü üçün xoşbəxt olduğunu dilə gətirib.

Qeyd edək ki, Almeyda ilə Oyama "Santo Andre" klubunda forma geyiniblər. Hər iki futbolçunun ilk peşəkar klubu "Santro Andre" olub. Onlar 3 il eyni komandanın uğurları üçün çalışıblar.

Milli.Az