İdman

“Bu, “Kəpəz”in üstünlüyü, bizim isə zəif cəhətimizdi” – Rəşad Sadıqov

14 Aprel 2018 19:21
0 Şərh     Baxış: 535

Milli.Az apasport.az-a istinadən xəbər verir ki, "Qarabağ"ın kapitanı Rəşad Sadıqov "Kəpəz"lə matçdan sonra sualları cavabıandırıb.

- Nə deyə bilərsiniz matçla bağlı?

- Maraqlı oyun keçdi. Gəncədə oynamaq həmişə çətin olur. Komandanın mövqeyindən asılı olmayaraq bu dəyişmir. Qələbə qazanmaq istəyirdik. Topa nəzarət elədik, amma rəqibin standart vəziyyətlərindən bəzi çətinliklər də yaşadıq.

- "Qəbələ" sabah uduzsa, sona beş tur qalmış aradakı xal fərqi 15-ə bərabər olacaq. Demək olar ki, çempionluğu təmin edəcəksiniz...

- Son ana qədər mübarizə aparmaq lazımdı. İndi futbol elədi ki, bir az boşalan kimi sonra toparlanmaq çətin olur.

- Bugünkü oyunun ikinci hissəsində komandada sanki bir az boşalma var idi...

- Qoldan sonra bir balaca oyunu itirdik ilk hissənin sonlarında. Amma ikinci hissədə topa daha çox nəzarət edirdik.

- Standart vəziyyətlər zamanı hava toplarında müdafiəçiləriniz rəqibdən geri qalırdı. Səbəbi nədi bunun?

- Bu həmişə "Kəpəz"in üstünlüyü, bizim isə zəif cəhətlərimizdən biri olub. Onların heyətində başla oynayan yaxşı oyunçular var.

- Ramil Şeydayev bu gün "Qarabağ"da ilk qolunu vurdu. Sanki U-21 millisindən dönəndən sonra bir az artırıb...

- Ramilin qol vurması, keçən tur yaxşı oynaması, düşdüyü vəziyyətlə barışmayıb mübarizə aparması çox sevindirici haldı. Yaxşı oyun praktikası var. Tənbəllik eləmir. Bu gün də bəhrəsini gördü.

Milli.Az

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.