İdman

Pxençxan-2018: Rusiya ilk qızıl medalını qazanıb

23 Fevral 2018 11:09
0 Şərh     Baxış: 2 002
VTB-də minimal faiz dərəcəsi ilə nağd kredit 9.9%-dən
#İDMAN #RUSİYA #SOUTH KOREA #OLİMPİADA #QIZIL MEDAL #İDMANÇI

Cənubi Koreyanın Pxençxan şəhərindəki Qış Olimpiya Oyunlarında Rusiya ilk qızıl medalını qazanıb.

Milli.Az report-a istinadən xəbər verir ki, qonşu ölkə buna fiqurlu konkisürmə növündə qadınların sərbəst proqramla çıxışında nail olub. Alina Zagitova 239,57 xalla olimpiya çempionu olub. Digər rusiyalı Yevgeniya Medvedeva gümüş medala yiyələnib. 18 yaşlı idmançı 238,26 xal yığıb. Bürünc medalı isə 231,02 xalla kanadalı Keytlin Osmond əldə edib. Zagitova Oyunların 3 ən gənc olimpiya çempionundan birinə çevrilib. O, 15 yaş 255 gününün tamamında fərqlənib. Bu, olimpiada tarixində ikinci belə göstəricidir. Rekord isə 1998-ci il Naqano olimpiadasında 15 yaş 255 günündə ikən qızıl medal qazanmış Tara Lipinskiyə (ABŞ) məxsusdur.

Bu gün fristayl növü üzrə qadınların kross yarışına da yekun vurulub. İlk 2 yeri kanadalı Kelsi Serva və Brittani Filan tutub. Bürünc medal isə isveçli Sandra Neslunda qismət olub.

Qeyd edək ki, bu nəticələrdən sonra 10 qızıl, 8 gümüş və 9 bürünc medala sahib olan Kanada 3-cü pillədə möhkəmlənib. İsveç 5 qızıl, 5 gümüş medalla 6-cı, Rusiya 1 qızıl, 5 gümüş və 8 bürünc medalla 15-ci pilləyə yüksəlib. 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.