İdman

"Azərbaycan və Almaniya ilə oyunlarda 2 xal pis nəticə sayılar"

30 Avqust 2017 13:51

1 Şərh Baxış: 1 233

VTB-də minimal faiz dərəcəsi ilə nağd kredit 9.9%-dən

#DÜNYADA #İDMAN #NORWAY #FUTBOL #ALMANİYA #YIĞMA #AZƏRBAYCAN

Azərbaycan və Almaniya ilə oyunlar bizim üçün böyük önəm kəsb edir.

Milli.Az apasport.az-a istinadən xəbər verir ki, bu sözləri Norveç yığmasının baş məşqçisi Lars Laqerbek deyib.

Skandinaviya təmsilçisi DÇ-2018-in seçmə mərhələsi çərçivəsində sentyabrın 1-də Azərbaycanla, ayın 4-də isə Almaniya ilə üz-üzə gələcək.

Norveç mətbuatına açıqlama verən Laqerbek bu oyunlar haqda danışıb. 69 yaşlı mütəxəssis yaxşı nəticə qazanmaq istədiklərini bildirib: "Ümidsiz deyiləm. Başa düşürəm ki, qələbə qazanmaq lazımdı. Qalib ruhunu formalaşdırmaq üçün bunu etməliyik. Futbolçular qələbə qazananda inkişaf edirlər. Amma arxı keçmədən "hop" demək olmaz. Sadəcə, iki oyunda 2 xal qazanmaq bizim üçün pis nəticə sayılar".

İsveçli çalışdırıcı komandasında ab-havanın yaxşı olduğunu əlavə edib. O, futbolçuların həm Azərbaycan, həm də Almaniya ilə görüşlərə böyük önəm verdiklərini vurğulayıb: "Futbolçular Azərbaycan və Almaniya ilə oyunöncəsi sakitdilər, üzərimizdə heç bir təzyiq yoxdu. Onlar hər iki matçın vacib olduğunu anlayırlar və işlərinə məsuliyyətli yanaşırlar".

Milli.Az

Digər maraqlı xəbərlər Milli.Az-ın Facebook səhifəsində