İdman

Azərbaycan yığmasının məşqçisi: "Bakı Marafonu bütün idmançıları bir yerə toplayıb"

1 May 2016 11:32

Baxış: 1 554

VTB-də minimal faiz dərəcəsi ilə nağd kredit 9.9%-dən

#CƏMİYYƏT #İDMAN #BAKI MARAFONU - 2016

Bakı Marafonu bütün idmançıları bir yerə toplayıb. Bunu Trend-ə futbol üzrə Azərbaycan yığma komandasının məşqçisi, marafonda iştirak edən Mahmud Qurbanov bildirib.

O deyib: "Böyük məmnuniyyətlə bu xeyriyyə marafonunda iştirak edirəm. Qaçışda müxtəlif peşə və yaşlarda olan insanlar, müxtəlif millətlərin nümayəndələri iştirak edirlər. Bu gün burada çox idmançı toplaşıb".

Qeyd edək ki, bu gün Heydər Əliyev Fondunun təşəbbüsü ilə təşkil olunan Bakı Marafonu 2016-ya start verilib.

Dövlət Bayrağı Meydanından start götürən marafon 21 kilometrdir və Bakı Olimpiya Stadionunda başa çatacaq. 21 km-lik məsafənin qət edilməsinə maksimum 4 saat 30 dəqiqə vaxt verilib.

Ümumilikdə, şəhər sakinlərinin, qonaqların qoşulduğu Bakı Marafonu 2016-da iştirak etmək üçün 3621 nəfər qeydiyyatdan keçib.

Marafon saat 10:00-da başlayıb.

Marafonun əsas məqsədi Azərbaycanda idmanın inkişafına dəstək göstərmək, insanlar arasında, xüsusilə gənclərdə sağlam həyat tərzini təşviq etmək, onları xeyirxah məqsədlər naminə bir araya gətirməkdir.

Bakı Marafonundan toplanan vəsait Heydər Əliyev Fondunun valideyn himayəsindən məhrum olmuş uşaqlarla bağlı layihəsinə yönəldiləcək.

Milli.Az