PUL
İngiltərənin "Daily Mail" nəşri "Atletico Madrid"in mövsümün sonu üçün bəzi planlarını açıqlayıb.
Goal.az xəbər verir ki, mənbə Madrid klubunun Antuan Qrizmannı heyətdə saxlamaq fikrində olduğunu qeyd edib. "Chelsea" və "Bavariya"nın ciddi maraqlandığı fransalı futbolçudan fərqli olaraq, Mario Mandzukiçin komandadan göndərilməsi planlaşdırılır. Xorvatiyalı hücumçu ötən yay Dieqo Koştanın boşluğunu doldurmaq üçün "Atletico"ya transfer olunsa da, hücum xəttində liderliyi öz öhdəsinə götürə bilməyib.
Qeyd edək ki, Qrizmannın buraxılış qiyməti 60 milyon avro təşkil edir. Lakin "Atletico" rəhbərliyi onun transferindən daha yüksək məbləğ əldə etməyi düşünür. Qrizmann isə karyerasını "Chelsea"də davam etdirməyin əleyhinə deyil.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
