İdman

2022-ci il Qış Olimpiya Oyunlarına namizədlər açıqlandı

8 İyul 2014 13:12
0 Şərh     Baxış: 1 150
VTB-də minimal faiz dərəcəsi ilə nağd kredit 9.9%-dən
#İDMAN #NORWAY
Beynəlxalq Olimpiya Komitəsinin (BOK) İcraiyyə Komitəsi Oslo (Norveç), Almatı (Qazaxıstan) və Pekin (Çin) şəhərlərini 2022-ci il Qış Olimpiya Oyunlarına ev sahibliyi etmək hüququna namizədlər kimi rəsmən təsdiq edib.

Milli.Az anspress-ə istinadən xəbər verir ki, bu qərar BOK İcraiyyə Komitəsinin Lozannada keçirilən iclasında elan edilib.

2022-ci il Qış Olimpiya Oyunlarının keçirilməsinə namizəd şəhərlərə inspeksiya səfərləri gələn ilin əvvəlində başlanacaq.

BOK-un Qiymətləndirmə Komissiyasının rəhbəri Rusiya Olimpiya Komitəsinin prezidenti Aleksandr Jukovdur.

"Reuters" agentliyi BOK-un rəhbəri Tomas Baxın aşağıdakı sözlərini sitat gətirib: "Oyunların təşkilinə bir-birindən fərqlənən üç yanaşma görməyə çox şad olarıq. Bu halda BOK hər birinin fərqli büdcəsi və Olimpiya irsinə dair fərqli planları olan üç sifarişdən birini seçmək imkanı qazanacaq".

2022-ci il Olimpiadasının paytaxtı 2015-ci ilin yayında Malayziyada elan ediləcək.

2022-ci il Olimpiadasının keçirilməsinə əvvəlcə altı şəhər iddia edirdi. Lakin sonradan Stokholm (İsveç), Krakov (Polşa) və Lvov (Ukrayna) 2022-ci il Qış Olimpiadası uğrunda mübarizədən imtina ediblər.

2018-ci il Oyunlarının paytaxtı Cənubi Koreyanın Pxençxan şəhəri olacaq.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.