İdman

"Azərbaycanda sıradan matç yoxdur"

14 Avqust 2013 12:20
0 Şərh     Baxış: 1 071
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#AZERBAİJAN #İDMAN #AZƏRBAYCAN FUTBOLU #SİNTETİK A.D.
"Azərbaycan Premyer Liqasında 10 komanda 4 dövrədə oynayır. Bununla, zəif komandalar kənarda qalıb və sıradan hansısa matç yoxdur". Milli.Az Apasport.az-a istinadən xəbər verir ki, bu fikirləri "Qəbələ"nin rusiyalı baş məşqçisi Yuri Syomin "Sport-Ekspress" qəzetinə müsahibəsində deyib.

Ölkəmizdə debütünü uğurla edən təcrübəli mütəxəssisin komandası 2 turdan sonra topladığı 6 xalla liderlər qrupunda qərarlaşıb.

Təəssüratlarını bölüşən 66 yaşlı çalışdırıcı Azərbaycanda keyfiyyətli meydançalarda oynadıqlarını bildirib: "Bu, həm təbii, həm də sintetik qazonlardır. Ötən mövsümün güclüləri "Neftçi" ilə "Qarabağ" olub ki, "Qəbələ" hazırda onlarla birgə ilk 3 yeri bölüşdürür. Komandamız ötən çempionatı 6-cı yerdə bitirib, ancaq indi qarşısına Avropa kuboklarına çıxmaq vəzifəsini qoyub. 10 yeni futbolçu götürmüşük. Bunlar əsasən gənc, perspektivli futbolçulardır".

Heyətlə bağlı da məlumat verən baş məşqçi komandadan razıdır: "Hərçənd, hazırlığa cəmi 1 ay ayrılmışdı, komanda düzəlir. Donetsk "Metallurq"undan dəvət olunan braziliyalı Leonardo, hollandiyalı Ebeselio özünü yaxşı göstərir. Sonuncu "Ayaks" məktəbini keçib. Həmçinin, rusiyalı azarkeşlərə "Kuban"dan çıxışı ilə tanınan nigeriyalı Afolabi yaxşı təsir bağışlayır".

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.